आरोग्य सेवा

ओपीडी (बाह्यरुग्ण विभाग) मध्ये शासन रुग्णालयात सर्वसामान्यांना मोफत किंवा अत्यल्प शुल्कात वैद्यकीय सल्ला, तपासणी आणि उपचार दिले जातात.

शासन रुग्णालयांत सीटी स्कॅन आणि एमआरआय सुविधा उपलब्ध असून विविध आजारांचे निदान करण्यासाठी त्या मोफत किंवा अनुदानित दरात दिल्या जातात.

ही सुविधा तज्ञांच्या देखरेखीखाली दिली जाते तसेच वैद्यकीय शिक्षण, संशोधन आणि रुग्णसेवेसाठी उपयुक्त ठरते.

सीटी स्कॅन आणि एमआरआय सुविधा असलेल्या रुग्णालयांची यादी

शासन रुग्णालयांमध्ये अपघात, हृदयविकाराचा झटका, मेंदूविकार, जखम इत्यादी गंभीर परिस्थितीत त्वरित उपचारांसाठी २४ तास आपत्कालीन सेवा उपलब्ध आहेत.

या सेवांमध्ये त्वरित वैद्यकीय उपचार, आपत्कालीन शस्त्रक्रिया, अतिदक्षता विभाग सुविधा आणि रुग्णवाहिका सेवा उपलब्ध करून दिल्या जातात.

शासन रुग्णालयांमध्ये रुग्णांच्या आरोग्य पुनर्वसनासाठी व्यावसायिक उपचार (OT) व फिजिओथेरपी (PT) सेवा दिल्या जातात.

या सेवांमुळे हालचाली सुधारतात, दैनंदिन जीवनमान सुधारते आणि रुग्णांना पुनर्वसनासाठी मदत होते.

शासन रुग्णालयांत मूत्रपिंड, मूत्रमार्ग, मूत्राशय तसेच पुरुष प्रजनन संस्थेशी संबंधित आजारांचे निदान व उपचारासाठी युरोलॉजी सेवा दिल्या जातात.

वैद्यकीय उपचार, शस्त्रक्रिया, डायलिसिस सुविधा आणि विशेष सेवा सर्वसामान्यांसाठी सुलभ दरात उपलब्ध आहेत.

मेंदू, मज्जासंस्था, मज्जातंतू व स्नायूंच्या विकारांचे निदान व उपचार करण्यासाठी शासन रुग्णालयांत न्युरोलॉजी सेवा उपलब्ध आहेत.

स्ट्रोक, अपस्मार (एपिलेप्सी), डोकेदुखी, न्यूरोपॅथी अशा आजारांचे तज्ञांकडून उपचार केले जातात.

हृदयविकार, उच्च रक्तदाब, हृदयविकाराचा झटका इत्यादींचे निदान व उपचार शासन रुग्णालयांत तज्ञांद्वारे केले जातात.

हृदय तपासण्या, इंटरव्हेंशनल प्रक्रिया, शस्त्रक्रिया आणि सल्लामसलत अनुदानित दरात दिल्या जातात.

शासन रुग्णालयांमध्ये शिशु, मुले व किशोरवयीन मुलांसाठी प्रतिबंधात्मक, उपचारात्मक आणि आरोग्य संवर्धन सेवा दिल्या जातात.

लसीकरण, वाढ तपासणी, बालरोग उपचार आणि तज्ञ सल्ला अत्यल्प दरात उपलब्ध आहेत.

कान-नाक-घसा यांसंबंधीच्या विकारांचे निदान आणि उपचार करण्यासाठी शासन रुग्णालयांत ईएनटी सेवा दिल्या जातात.

यात शस्त्रक्रिया, श्रवण चाचण्या, साइनस व घसा उपचार, आपत्कालीन सेवा अनुदानित दरात उपलब्ध आहेत.

शासन आयुर्वेद रुग्णालयांत पंचकर्म उपचार अत्यल्प शुल्कात उपलब्ध आहेत. यामध्ये वमन, विरेचन, बस्ती, नस्य, रक्तमोक्षण यांचा समावेश होतो.

क्षारसूत्र उपचारही उपलब्ध आहेत. हा आयुर्वेदातील पराशस्त्रक्रियात्मक उपचार असून भगंदर व मूळव्याध यांसारख्या आजारांवर परिणामकारक ठरतो.

शासन आयुर्वेद रुग्णालयांत सुवर्णप्राशन सुविधा उपलब्ध आहे. यामध्ये सुवर्ण भस्म व औषधी मिश्रण मुलांना दिले जाते ज्यामुळे रोगप्रतिकारशक्ती, स्मरणशक्ती व सर्वांगीण विकास होतो.

ही सेवा प्रतिबंधात्मक आरोग्य सेवांचा भाग असून अत्यल्प शुल्कात दिली जाते.